Үндэсний бахархалт амьтан Мазаалай баавгай

Save the world's loneliest bear

Үндэсний бахархалт амьтан Мазаалай баавгай

Save the world's loneliest bear

Мэндчилгээ

Монгол Улсын Засгийн газар мазаалай баавгайг “Үндэсний бахархалт амьтан” хэмээн зарласан нь эх орныхоо байгаль, ан амьтнаа хайрлан хамгаалах монгол түмний оюун санааны бэлгэдэл болсон түүхэн үйл явдал юм.
Өнөөдөр ердөө тавь гаруйхан тоо толгой үлдээд буй мазаалай баавгайн ирээдүйг хамгаалах нь зөвхөн төрийн бодлого, хууль тогтоомжийн хүрээнд төдийгүй, иргэн бүрийн хариуцлага, эх дэлхийгээ хайрлах чин сэтгэлээр хэмжигдэнэ.
Энэхүү цахим хуудас нь мазаалай баавгайн талаар үнэн зөв мэдээллийг түгээн, хамгааллын үйл хэрэгт олон нийтийн оролцоог нэмэгдүүлэх зорилготой. Та бүхнийг байгаль хамгаалах ариун үйлст сэтгэл нэгдэн хамтран ажиллахыг урьж байна.

МАЗААЛАЙ БААВГАЙН ТУХАЙ

Энэ амьтан нь хүрэн баавгайн төрөл зүйлд багтдаг ч бөгөөд гадаад төрхийн хувьд жижиг биетэй, бордуу шаргал зүстэй, хөнгөн туранхай байдаг нь хатуу ширүүн говийн нөхцөлд дасан зохицсон онцлог юм. Асар өргөн уудам орон зайг туулан амьдралын хатуу ширүүн тэмцлийн дунд оршин амьдардгаараа бусад баавгайн зүйлүүдээс эрс ялгарна.

ТАРХАЦ, ХЭЛБЭЛЗЭЛ

А.Симуков (1937) нутгийн ардуудын дунд мазаалай (маджалэ) гээд нэрлэгдсэн цөөн тооны баавгай Цагаан богд, Эдрэнгийн нуруу, тэдгээрийн завсрын говьд байдаг тухай анхны мэдээ цуглуулжээ. 1940 онд ургамал судлаач Ц.Давааэамц Хатан хайрхан, Захуй, Зарманд мазаалайн мөр, 1943 оны зун амьтан судлаач А.Г.Банников, газарзүйч Э.М.Мурзаев, ургамал судлаач А.А.Юнатов нар (Банников нар, 1953) Цагаан богд ууланд анх мазаалайн биеээр үзсэн байна.